TUTORETZA-PLANA
Ane
de Miguel Rikondo
Maddalen
Cardenas Añorga
Gorka
Camio Rodriguez
AURKIBIDEA
1. SARRERA
Gaia
hautatzeko arrazoiak sinpleak izan dira. Batetik, Irakasle Funtzioko
klasean gai honi buruz hitz egiten jardun ondoren, gai interesgarria
zela eta biharamunean baliogarria egingo zitzaigula pentsatuz,
gehiago sakontzea erabaki genuen.
Bestetik,
gaia sakontzeaz gain lan praktikoa burutzerako orduan nola jokatuko
genukeen ikusteko, irakasleak saio batzuk burutzean nola jokatu, zer
ekintza burutuko genituzkeen... planteatzeko eskatu zigun.
Beraz
lan honekin benetako tutore baten rola hartuz 5.mailako ikasgela
bateko tutoretza ekintza patzuk plateatuko dira jarraian. Adin tarte
honetan ikasgelako arazo gehiago ematen dira lehen hezkuntzako beste
dozein ziklotan baino. Gelako giroa aztoratuagoa izaten da eta
ikasleen arteko ezberdintasunak nabarmentzen hasten dira.
Mailak
zailduz doazen heinean bakoitzaren berezitasunak azaleratzen doaz eta
ikasleen arazo pertsonal eta akademikoak azaleratzen hasten dira.
Beraz tutoretza ekintzen bidez, hauei aurre nola egiteko metodo eta
laguntzak ematea beharrezkoa gertatzen delako hautatu dut 5.mailako
tutoretza plan bat egitea.
2. ZER DA TUTORETZA EGITEA GURETZAT
Ikastetxearen
helburua haurrak heztea izanik, curriculu-eskaintzaren barruan
pertsonaren hezkuntza intergrala sartzen da. Hau da, materia ikasteaz
gain beste zeinbait balio garrantzitsu hartu behar dira kontuan:
norberaren ezagutza eta kontrola, elkarbizitza, erabakiak hartzea...
Baina arlo akademikoan, hau da, matematikan, euskara eta literaturan
zein beste arlotan hauetaz konturatu besterik ez gara egiten. Baina
zein arlotan egiten dugu hauei buruzko gogoeta?
Tutoretza
plan batek honetarako balio du. Hau da arlo akademikoaz ahaztu eta
pertsonetan zentratzeko. Ikasle bakoitzak bere ezagutza eta kontrola,
bere mugak, harturiko erabakiak... hausnartzeko.
Tutoretza
plan honetan ezinbestekoa da turore bat izatea, hau arduratuko baita
orientazio eta laguntza lanak egiteaz.
Tutoretza
ordu honetan talde osoa ebaluatu eta talde osoa zein norbanako
bakoitzaren balorazioa egin beharko lirateke. Beraiekin hitz egin,
dauden arazoak konpondu eta irtenbideak emanez.
Tutoretza
plan honen plangintza egiteko, gelaren beharrak ikusita antolatu
beharko litzateke. Eta ebaluaketatik ateratzen diren emaitzak
publikoak egin gabe. Emaitza hauek taldekideen (taldean zein
banakakoa) emaitzak, jarrerak ... hobetzea helburu izan beharko
luketelarik.
Helburuak
jartzea ezinbestekoa da, hasiera puntu bat eta amaiera puntu bat
finkatzea errazagoa egingo delako. Iragana, oraina eta geroa
baloratuz ezarri beharko lirateke bestalde helburuak. Honela helburu
hauek noiz betetzen diren errazago ikusi baitaiteke.
Taldearen
behaketa burutu behar da uneoro, honek beste irakasleekin taldelanean
aritzea eta inormazio trukaketa egotea suposatu beharko lukeelarik.
Honela tutoreak, helburuak jartzen diren unetik gertatzen ari diren
aldaketak eta ematen ari diren progresioak kontuan hartuko
dituelarik. Eta beharrezko balitz helburuak aldatu edo moldatzeko
aukera izano luke.
Azkenik,
tutoretza plana non buru pentsatu behar da. Taldearen beharrei
moldatu beharko litzateke gela. Lekuz aldatzea ere ez letorke gaizki.
Landu behar denaren arabera ikasgela batean edo kalean bertan ere
burutu daitezkeelako planteaturiko ekintzak. Gela handiak sahiestuko
genituzke, hutsunea adierazten duelako eta baita gertutasun falta
ere.
3. ZEINTZUK DIRA TUTOREAREN FUNTZIOAK
3.1. FAMILIEI DAGOKIONEZ
Familia
ikaslearen tutore izanik, haurraren arlo akademikoaren nondik
norakoaren berri jakitea ezinbestekoa da. Bere hezkuntzaren
progresioaren berri izan dezaten. Bestetik, ikaslearen arlo ez
akademikoari lotuta ere, honen egoera nolakoa den heleraztea ere
irakaslearen zeregina da.
Irakasleak,
familiekin kontaktuan egon behar du etengabean. Banakako zein taldeko
bilerak eginez. Banakako bileren bitartez, guraso bakoitzarekin
bilera partikularrak, aurrez-aurrekloak eginez, beren seme-alabaren
eboluzioaz hitz egin dezakete. Taldeko bileretan guraso ezberdinen
iritziak entzun eta denen artean erabakiak hartu ditzazkete. Bilera
hauetan talde osoaren progresioaz jabetuko lirateke gurasoak.
Erabakiak
irakaslearenak bakarrik ez izateko, garrantzitsua da gurasoen partze
hartzea, ideiak eta erabakiak kontuan hartzea. Gurasoek irakasleari
apoioa eman diezaioketelako. Era honetara irakasleak hartzen dituen
erabakien pisu osoa ez litzateke beregan eroriko.
Gutxieneko
bilera batzuk egon beharko lirateke, jarraipena egokia izan dadin.
Gutxienez trimestre bakoitzaren bukaeran, notak etxera iritsi ondoren
haur bakoitzaren gurasoekin bilera egin beharko luke tutoreak. Eta
haurrak arazoak izango balitu beharrezkoa denean bilerak egitea
ezinbestekoa da.Taldeko bilerei dagokienez, hiru hilabetean behin
bilera orokor bat egitea ez legoke gaizki.
Bestalde,
bileretara joaten ez diren gurasoei korreoaren bitartez.. bileran
hitz egin dena eta honen nondik norakoa bidaltzea ideia ona izango
litzateke. Era honetara guraso guztiek izango lukete ikasleen
progresioaren berri. Banakako bileretara gurasoak azaldu ohi dira,
beraz aspektu honen aldetik ez litzateke arazorik sortu beharko.
3.2. IKASLE BAKOITZARI DAGOKIONEZ
Tutoreak, haur bakoitzaren eboluzioa jarraitu behar du xehetasun
guztiak jasoaz. Gertuko ebaluaketa bat egitea beharrezkoa da, era
honetara informazio zehatzagoa lortuko baitu. Eta hau baliogarria
egingo zaio haurrari buruzko ebaluaketa sakona egiteko.
Taldeko saioetan bestalde, tutoreak ikasle bakoitzarekin elkartu
beharko luke. Berarekin, bere progresioaz hitz egin, bere iritzia
eskatu eta nolabaiteko adostasun batera iristeko.
Tutoreak denbora hartu behar du ikasle bakoitzarekin egoteko. Honela
ikaslearen konfiantza lortzea errazagoa da. Eta gehiago irekiko da
bakarka taldean dagoenean baino.
Tutoreari haurraren alor akademikoaz gain bere etxeko egoera ere
interesatu behar zaio. Beraz berarekin bakarka dagoen une horietan
etxeko giroaz, etxekoez... galdetzea garrantzitsua izango litzateke.
Zenbait arazoren iturburu nagusia izaten baita askotan familia.
3.3. IRAKASLEEI DAGOKIONEZ
Haurraren garapena laguntzeko, ezinbestekoa da irakasle guztien
arteko koordinazioa egotea. Honela ikaslearen aspektu guztien berri
jakingo luke tutoreak. Tutorea, gainontzeko irakasleekin etengabeko
harremanetan egon beharko da. Eta bere ardura izango da bilera egunak
zehaztea eta bileran hitz egin beharreko nondik norakoak zehaztea.
Beste irakasleen informazioa oso baliogarria egingo zaio. Bestalde,
beste irakasleek aholkuak eman ditzakete. Eta erabaki zailak
daudenean irakasle ezberdinen artean hartu ditzazkete, honela
tutoreari pisu handi bat kentzan zaio gainetik.
Tutoreak irakasleekin maiz egin behar ditu bilerak. Eta gomendagarria
izango litzateke hiruhilekoaren amaieretan irakasleen batzarrak
egitea. Haur bakoitzari buruz hitz egiteko.
4. TUTORETZA EKINTZA
4.1. HELBURUAK
-Irakasleak
ikasle bakoitzaren
ezagutza sakona lortzea
-Gelakideen
arteko ezagutza bultzatuz konfiantza sortzea, ezberdintasunak alde
batera utziz (ikasgelan behintzat).
-Ikasle
bakoitza bere ahuleziez ohartarazi eta hauek gainditzen laguntzea
(alor akademikoari begira).
-Azterketak
gerturatzen doazen heinean, bakoitzari ikasketa plan pertsonalizatu
bat proposatzea, bakoitzaren beharrak kontuan hartuz (arlo bakoitzeko
irakasleen aholkuak kontuan hartuz).
-Gelako
arazoak, irakasleekin dituzten arazoak... gainditzen laguntzea
4.2. TUTORETZAREN JARDUERA-GUNEA
Jarduera-gune
nagusia gela izango da. Ikasleek denbora geiena bertan pasatzen
baidute eta komodo sentituko dira egunerokotasunean egoten diren
gelan.
Bestalde,
saio bereziren bat egingo balitz ikasleen ongizatea bilatuz eroso
sentituko diren gela bat bilatu behar da. Gure kasuan zikomotrizitate
gela hautatu dugu saio bat burutzeko.
4.3. TUTORETZA EKINTZEN PLANA
4.3.1. JARDUERAK FAMILIA EDO LEGEZKO TUTOREEI LOTUTA
1.EKINTZA
Kurtso
hasieran, irakaslearen tutoritzapean dauden ikasleen gurasoekin
bilera bat egingo da. Bertan tutoreaz gain, talde horrekin parte
hartuko duten beste irakasleak ere egongo dira.
Bileraren
deialdia egiteko ikasleei paper bana banatuko zaie, gurasoei eman
diezaieten. Bertan eguna eta ordua zehazteaz gain, bileran jorratuko
diren puntu nagusien laburpen bat agertuko da.
Bileran
lehenik, tutoreak hitz egingo du. Bere burua aurkeztuz eta kurtsoaren
nondik norakoak azalduz. Tutore bezala aurrera eraman nahi dituen
helburuak azalduko ditu bestalde. Ondoren, beste irakasleek beren
irakasgaiaren aurkezpen txiki bat egin eta arlo bakoitzean eskatuko
dituzten konpetentzia minimoak azalduko dituzte.
Bilera
amaitu baino lehen, gurasoei tartea emango zaie beren iradokizunak
esateko, dituzten dudak argitzeko...
Bilera
honen helburu nagusia, gurasoekin lehen kontaktua izateaz gain urtean
zehar burutuko den tutoretza planaren berri ematea da. Eta bestalde,
arlo akademikoaren nondik norakoa azaltzea.
2.EKINTZA
Hiruhilabetea
amitzean, guraso guztiak berriro bilduko ditu tutoreak. Tarte
horretan, taldean eman den eboluzio orokorraz hitz egin eta honen
harira gerora burutuko den bidearen berri emango da.
Bileraren
deialdia egiteko, lehen bileran erabili zen metodo berdina erabiliko
da gurasoei bileraren berri emateko.
Oraingo
honetan, tutorea bakarrik egongo da bileran, honek beste irakasleen
informazioa edukiko duelarik. Tutoreak, ikasgela orokorrean nola
ikusi duten esango die gurasoei. Eta honen garapena egokia den ala
ez. Bestalde, harturiko neurriak azalduko ditu. Honi buruz gurasoek
dituzten iritziak eskatuz. Gurasoen iritziak entzungo ditu tutoreak,
gerora burutu beharreko lanean hauek kontuan hartuko direlarik.
Bilera
honen helburua, ikasleen taldeko garapenaren nondik norakoak
azaltzeaz gain, tutoreak gurasoekiko harremana sustatzea izango da.
3.EKINTZA
Hiruhilabete
amaieran, ikasle bakoitzaren gurasoekin bilera egingo da. Bertan,
haurraren bilakaera azalduko die tutoreak. Alor akademikoari zein
alor ez-akademikoari (soziala, emozionala....) buruz hitz eginez.
Tutorean informazioa hori emateaz gain, honi nola lagundu azalduko
die; hobetzeko proposamenak luzatuz, eta gurasoek esandakoa kontuan
hartuz.
Bilera
honen helburua, ebaluaketa pertsonala egin eta honi buruz hitz egitea
da. Bere garapena nola doan ikusteko eta bideratzen laguntzeko.
4.EKINTZA
Bilera
hau, hautazkoa izango da. Gurasoek eskatzen badute edo tutoreak
beharrezkoa ikusten badu bakarrik burutuko da. Hau, hiruhilabetean
zehar egingo litzatekeen bilera izango da: ikaslearen progresioa
egokia izango ez balitz, arazoren bat izango balu...
Bilera
honen helburua, ikasleak dituen arazoez hitz egin eta honen aurrean
hartu beharreko neurriak gurasoekin adostea izango da. Kasua berezia
izango denez, tutoreak bakarrik ez du hartuko erabakia. Proposatu eta
gurasoen oniritzia beharko duelako.
4.3.2. JARDUERAK IKASLE TALDE IRAKASLEEI LOTUTA
1.JARDUERA
Lehen
bilera, gurasoekin egingo den bilera baino lehen egingo litzateke.
Bilera honetara, tutorearen ikasleek edukiko dituzten irakasleak
deituko lirateke.
Bilera
honen helburua, gurasoen aurrean zer hitz egingo duten zehaztea
izango da. Irakasle bakoitzak berak esango duenari buruz hitz egingo
du bilera honetan. Tutoreak, beste irakasleek esandakoa hartu beharko
du kontuan; jasotako informazioak bilera prestatzeko balioko baitio.
Beste
irakasleek esandakoa entzun ondoren, tutoreak berak emango duen
informazioaren berri emango die besteei. Honela irakasle guztien
artean kohesioa egongo da gurasoen aurrera ateratzen direnerako.
Beste
irakasleek esandakoarekin, guraso-bileraren plangintzaren
estrukturaketa errazago bat egingo da. Honela, bileraren iraupenaren
batazbesteko kalkulua egingo baitu.
2.JARDUERA
Kasu
honetan, tutoreak bakarkako bilerak burutuko ditu bere ikasleen
irakasle direnekin.
Bilera
hau hilabetean behin egin beharko litzateke, haur bakoitzak arlo
bakoitzean duen progresioaz hitz egiteko. Bilera honetan haur
bakoitzari buruz hitz egingo de, baina batez ere arazoak dituzten
ikasleetan zentrartuko dira. Hau da, arlo bakoitzean arazoak dituzten
ikasleetan zentratuko dira.
Arloan
arazoak dituzten ikasleetaz hitz egitean, duten arazoari nola aurre
egin erabakiko dute. Honela irakasleak gurasoekin bilera
partikularrak egiten dituenerako informazioa baliagarria edukiko du
bere eskuetan.
Gainera,
tutorea, haur bakoitzarekin egoten denean nola lagundu jakingo du eta
azterketak iritsi aurretik ikasketa plan pertsonalizatu bat eguten
lagunduko duo.
Bestalde,
gurasoek tutorearekin bilera bat eskatuko balute, bilera hau burutu
beharko luke tutorean gainontzeko urakasleekin.
3.JARDUERA
Notak
jartzerako orduan, kurtsoko irakasle guztiek bildu beharko lukete.
Honela ikasle bakoitzari buruz hitza egingo dute eta denen arteko
ebaluaketa baten ondorioz notak erabaki. Bilera hau, hiruhilabetea
amaitu baino lehen egin beharko litzateke. Bertan tutoreak, guraso
bileran esan dezakeenari buruzko datuak hartu litzazke. Gelakide
guztiek hitz egitean, gelari buruz eta honen progresioari buruz ere
hitz egingo delako.
Bestalde,
guraso bilerarako informazio akademikoa lortuko du eta ikasleekin
hitz egin behar izango balu, irakasleek duten iritzia jakingo luke.
4.3.3. JARDUERAK IKAS TALDEARI LOTUTA
1.SAIOA-Helburua: Nahiz eta hauek eskolan talde bezala batera urte batzuk badaramatzaten, taldearen ongizatea bermatzeko hauen arteko konfiantza sustatzen eta ezberdintasunak alde batera uzten saiatzea izango da funtsa. Tutoreak bestalde, kontuan hartu beharko du ikasleek orrietan adierazten dutena.-Denbora: ordubete -Baliabideak: Orriak -Garapena: Lehen saioa denez, ezagutza jolas bat burutuko da. Ikasle bakoitzari orri bat emango zaio hainbait galderekin. Galdera hauek, pertsonen gustuak, gorroto dituenak, alor indartsuak eta ahulak etabarri buruzkoak izango dira. Ikasleek, beren orriari izen abizenak jarri beharko dizkiete eta ondoren gelan zehar pegatuko dituzte paretetan. Behin denak bukatu dutela, besteen orriak irakurriz gela osoan zehar mugituko dira, besteek idatzitakoa erreparatu eta gogoan hartuz.
Minutu
batzuk utziko zaizkie hau behatzeko eta ondoren irakasleak orri
guztiak kendu eta berak hartuko ditu. Ikasleak bi taldetan
multzokatuko ditu zoriz. Gelako mahaiak, sillak... alde batera
jarriko dira, gelaren alderdi luzeena aprobetsatuz bi ilara egingo
ditu. Bi taldeak ilaran lurrean eserita jarriko dira lehenengoak
bere hankekin pareta ikutuko duelarik. Irakaslea ileren amaieran
jarriko da, haur guztiak beraz, bizkarra ematen egongo dira
berari.
Irakasleak
orri guztiak edukiko ditu eskuetan eta pareta ikutzen ari denari
bere gelakide bati buruzko galdera bat egingo dio. Honek erantzun
egokia eman behar du bestela errebotea beste taldekoei joango
zaie. Asmatzen badute lehenengoa ilararen atzean jarriko da.Beste
aldeko pareta ikutzera iristen den lehenengo taldeak irabaziko du.
Ariketa
honen helburua, gainontzeko taldekideak ezagutzea izango da.
2.SAIOA
-Helburua:
Saio honetan beren artean ezagutzeaz gain, beren arteko konfiantza
eta errespetua sustatzean zentratuko da.
-Denbora: ordubete -Baliabideak: Harilkoa -Garapena: Gela guztia borobil batean jarriko da. Harilko luze bat emango dio tutoreak ikasle bati. Ikasle honek harilkoaren punta hartuta harilkoa gutxien ezagutzen duela uste duen ikaskideari jaurtikiko dio. Eta honela gelakide guztien eskuetan haria pasa arte.
Era
honetako hainbat txanda burutuko dira. Txanda bakoitzean hitz
ezberdin bat izango da hizketagai. Honela, eskuetara harilkoa
iristen zaien bakoitzean, tutoreak emandako hitza entzutean
sentitzen duten emozio bat esan beharko dute. Hitz hauek, eskola,
ikasi, ikaskideak, azterketak, errepikatu, oporraldiak... izan
daitezeke.
Ariketa
egin ondoren, denok borobilean bilduko gara eta ateratakoari buruz
haurskartuko dugu.
Saio
honen helburua, tutoreak informazioa biltzeko izateaz gain, ikasle
bakoitza nola sentitu den baloratzeko ere balio dezake. Ikasle
bakoitzak bere sentimendu eta sentsazioak ezagutzeaz gain, beste
ikasleek dituzten sentimendu eta sentsazioak jakingo ditu. Eta
beraien artean hamankomunean agertu diren sentsazioetaz jabetuko
dira.
3.SAIOA
-Helburua:
Taldearen funtzionamentua hobetu edo errespetatu eta irakasleei
lana erraztuko dieten arauak ezartzea.-Denbora: ordubete -Baliabideak: fitxa -Garapena: Lehenengo ordu erdian , talde txikitan bilduko dira. Talde bakoitzari fitxa bat emango zaio.
Bertan,
gelakideen arteko harremanetan ondo moldatzeko, irakasleekin ondo
moldatzeko, lana aurrera ateratzeko, garbiketa eta puntualitatea
bermatzeko beraien ustez arau egokiak direnak idazteko eskatuko
zaie.
Banatu
aurretik, arauen garrantzia azpimarratuko zaie, eta idazten
dituzten arauen beraiengan konsekuentziak izango dituztela. Beraz,
ariketa gogoz egitea eskatuko zaie.
Hurrengo
ordu erdian, talde handian elkartuko gara. Bertan talde txikietan
ateratako elkarjarriko da. Bertan ateratzen diren ideiak elkartzen
saiatuz gela funtzionamentuan lagunduko duten arauak erabakiko
dira. Arauak zehazteko guztien iritzia hartzen saiatuko da
tutorea.
Gainera,
arauak ez betetzeak ekarriko dituen ondorioak ere zehaztuko dira.
Arauak
eta ondorioak jartzerako orduan, eskolako araudia kontuan hartuko
da beti.
Ateratako
arauekin taula bat egingo du irakasleak, eta gelako kortxoan
jarriko ditu denek ikus dezaten.
4.SAIOA
-Helburua:
Ikasle bakoitzari motibazio txiki bat eman, aurrera jarrai dezan-Denbora: ordubete -Baliabideak: kartulinak, orriak -Garapena: Ikasle bakoitzari koloretazko kartulina erdi bat emango zaio, goikaldean bere izen abizenak idazteko eskatuko zaiolarik. Era kartulinaren atzean bere defektu bat idatziko du bakoitzak. Ondoren, ikasle bakoitzak bere kartulina gelako paretetan pegatuko du. Bakoitzaren lanana izango da beraz, gainontzekoen kartulinetan pertsona horri buruzko zerbait ona jartzea.
Honekin
bukatzean, bakoitzak berriz ere bere kartulina hartuko du eta
berari buruz idatzi dutena irakurriko du. Saioa bukatzeko 15
minutu geratzen direnean, denak elkartuko dira eta eginikoari
buruz hausnartuko dute.
5.SAIOA
-Helburua:
ikasleek eskolaz kanpo ikasteko duten denbora errealaz
ohartaraztea eta hau kudeatzen ikastea.-Denbora: ordubete -Baliabideak: Fitxak -Garapena: Ikasleei orri bana banatuko zaie. Lehenik, eskolatik atera eta orduz ordu egureno zer egiten duten idatziko dute. Bertan estraeskolarrak, noiz ateratzen diren kalera, ohera joateko ordua, telebista ze ordutan ikusteko ohitura duen... idatziko dituzte.
Ondoren,
tutoreak astero ikastolako gauzak egiteko beren denbora libretik
3-6 ordu atera behar dituztela esango die. Eta ikasleek beraien
denbora kudeatuko dute. Baina kudeazio honek, idatzitakoaren
arabera betetzeko modukoa izan baharko du.
2
asteetara irakasleak planifikazioari buruz galdetuko die, ea
betetzen duten jakiteko.
Plangintza
hau eginda, ikasleek duten denbora planifikatzen eta banatzen
ikasiko dute.
6.SAIOA
-Helburua:
Azterketak iritsi aurretik ikasketa plan pertsonalizatu bat
egiteko pautak ematea.-Denbora: ordubete -Baliabideak: (baliabiderik ez) -Garapena: Tutoreak, ikasleak bakarka hartuko ditu hauekin hitz egiteko. Eta gainontzekoei ikasteko aukera emango die. Tutoreak beste irakasleen informazioa edudiko du eta honen arabera ikasleari non hobetu, nola hobetu eta hobetzeko pausuak gomendatuko dizkio.
Ikasle
kopuruaren arabera saio bat edo bi eskainiko zaizkio.
7.SAIOA
-Helburuak:
Azterketak bukatu ondoren, hauei buruz hitz egitea eta bakoitzak
zer nota aterako duen
-Denbora: ordubete -Baliabideak: Fitxak -Garapena: Azterketak bukatu ostean, saio hau, bertan sentitu dituzten emozioez hitz egiteko izango da.
Lehenik,
bakoitzarik fitxa bana banatuko zaio, Fitxa honetan irakasgai
guztiak ageriko dira grafiko batean 1etik 10era bitarteko
puntuaketarekin. Bertan ikasle bakoitzak berak espero dituen notak
markatuko dituzte.
Ondoren,
eskuetan bakoitzk bere orria duelarik, borobil batean jarriko
dira. Tutoreak, erabili duten ikasketa planaz galdetuko die:
lehenago egin zutena erreferentzitzat erabili duten, aldatu
duten...
Bestalde,
ikasleek azterketei buruzko beren iritzia emateko aukera izango
dute. Irakasleak nolako azterketa jarri dien, ikasitakoa jarri
duen edo oso ezberdina izan den...
Bukatzeko,
haur bakoitzak azterketek iraun duten bitartean nola sentituko die
gainontzekoei. Honela, beste ikasleek berarekin enpatizatzen ikasi
eta bakoitzak bere sentimenduak besteenekin alderatuz guztiak nola
sentitu diren agertuko dute.
8.SAIOA
-Helburua:
Erlaxatzen ikastea eta irudimena garatzea.
-Denbora: ordubete -Baliabideak: Psikomotrizitate-gela, koltxonetan eta musika leuna.
-Garapena:
ERLAXAZIO-SAIO BAT
(MUSIKA
LEUNA)
Sabelarekin
arnasa hartzen.
Hasteko,
sudurretik arnasa hartu, eta astiro-astiro botako dute ahotik.
Sabelean puxika bat dutela pentsatuko dute, eta arnasa
hartzerakoan puxika hori handitu eta botatzerakoan hustu egiten
dela. Hori egiaztatzeko, eskua sabel gainean jar dezakete.
Tutoreak ea guztiek ondo ulertu duten begiratuko du, eta minutu
batzuk utziko ditu praktikatzeko.
Ondoren,
gorputza nola duten begiratu behar dute ikasleek:
• Eskuineko
behatzak mugitu, oin hori pixka bat altxatu, eta lasaitzen utziko
dugu.
• Ezkerreko
behatzak mugitu, oin hori pixka bat altxatu, eta lasaitzen utziko
dugu.
• Eskuineko
hanka tente ipini, eta gero lasaitzen utziko dugu.
• Ezkerreko
hanka tente ipini, eta gero lasaitzen utziko dugu.
• Ipurdia
estutu, eta lasaitzen utziko dugu.
• Eskuineko
hatzak mugitu, eta ukabila indar handiz itxiko dugu. Orain lasaitu
egingo dugu.
• Ezkerreko
hatzak mugitu, eta ukabila indar handiz itxiko dugu. Orain lasaitu
egingo dugu.
• Gure
eskuineko besoari indarrez tira egin, eta gero lasaitzen utziko
dugu.
• Gure
ezkerreko besoari indarrez tira egin, eta gero lasaitzen utziko
dugu.
• Ahoa
indarrez ireki –aharrausika bezala–, eta lasaitzen utziko
dugu.
• Hortzak
indarrez estutu, eta orain lasaitzen utziko dugu.
• Begiak
indarrez itxi, eta orain lasaitzen utziko ditugu.
• Orain
gure gorputz osoa batera tente ipiniko dugu: behatzak, hankak,
hatzak, ukabilak, besoak, ipurdia, hortzak, begiak,
ahoa…
Ondoren, lasaitzen utziko dugu.
Mezu
lasaigarriak ematen jarraituko dugu, hurrengo amets gidatuan
sartzeko.
AMETS
GIDATUA: "Aukeratutako gauza gara"
Arnasa
lasai hartuko dugu. Sudurretik hartu... ahotik bota. Arnasa
astiro..., lasai eta sakon hartuko dugu... Betazalak nabarituko
ditugu...
Begiak
itxita ditugula, erlaxazio gero eta sakonago batera helduko
gara... Espazioarekin bat egiten hasi garela nabarituko dugu...
IMAJINA
DEZAGUN hirian barrena goazela... Euria ari du... Ondo jantzita
eta babestuta goaz...
Kale
batzuetatik sartu eta dena behatzen dugu... begiratzen dugu...
ikusten dugu.
Ibili
eta ibili, alde batean kale oso estua ikusten dugu. Bertan sartuko
gara,astiro-astiro, beldur apur batekin... Beldurtuta gaude.
Kale-amaieran, oso zaharra den denda bati erreparatu diogu.
Kristalak lohituta daude. Erakusleihoaren beiraren zati bat
eskuarekin garbituko dugu... eta barruan zer dagoen ikusi...
Erakusleihoan gauza asko dago... asko... Imajinatzen genituenak
baino gehiago, berriak... zaharrak... Dendako atea zabaldu da eta
bertatik agure zahar bat irten da; sartzeko gonbidapena egiten
digu. Denda arrunta ez dela azaldu digu, bertan munduan dagoen
guztia baitauka.
(MUSIKA-ALDAKETA)
Agureak
denda erakutsiko digu. Gauza asko dago… asko... imajina
genezakeena baino gehiago... Kanpotik ikusita txikia ematen bazuen
ere, dendak gela asko ditu. Ezin dugu erosi. Gauza bat har
dezakegula esan digu gizonak: dendan sartzen diren guztiek har
dezakete eramateko gauzaren bat. Begiratzen dugu..., behatzen
dugu..., gauzaren bat aukeratzen saiatzen gara... bat: bakarra...
Zer
eraman nahi dugun aukeratu ondoren, arretaz begiratu, eskuekin
ukitu, usaindu... eta horren soinua entzungo dugu...
Bagoaz
dendatik... begiradarekin gauza bat aukeratu dugu.
Ongi
begiratzen dugu. Gehien gustatzen zaiguna dela baieztatuko dugu...
Nahi duguna dela egiaztatuko dugu. Atearen ondoan dagoen gizon
zaharrarengana hurbildu eta hartutako gauza erakutsiko diogu...
Berak gauza hartu eta guri begira gelditu da, barregurak jo du,
eta honako hau esan du: "Ez, hartu, zuentzat da, baina
emadazue zer edo zer trukean; edozer gauza, baina emadazue zer edo
zer trukean".
Aguretxoari
zer emango diogun pentsatu eta erabakia hartuko dugu...
Eskerrak
emanez, dendatik irten gara.
Hiria
aldatu egin da.. Poliki, gure gauzarekin gela honetaraino itzuliko
gara...
Gauza
hori bihurtuko gara..., izango gara, eta horrek sentitzen duena
sentituko dugu guk ere.
Orain,
gu gara... Hartu dugun gauza ikusten dugu gelan... Begiak zabaldu
gabe... arnasa hartuko dugu... Isilik eta lasai, dendan aukeratu
dugun gauza irudikatuko/marraztuko dugu. Marrazkia taldekoei
aurkeztuko diegu; hura izango bagina bezala. Horren
istorioa/nirea… kontatu...
"NEU
NAIZ ETA HAUXE DA NIRE SOINUA..." AUKERATUTAKO GAUZA
IRUDIKATU ETA AURKEZTU
Marrazkia
amaitu ondoren, lauko taldetan elkartuko dira, behatzaile batekin,
eta bakoitzak honako hauek kontatuko dizkio taldeari:
• Nola
sentitu diren erlaxazio-saioan.
• Nola
sentitu diren kaleetan, dendan eta gauza hartzean.
• Zein
gauza hartu duten eta horren truk aguretxoari zer eman dioten.
Behatzaileak
taldearen informazioak bateratuko ditu, eta talde handiari
azalduko dio emaitza.
9.SAIOA
-Helburua:
Autoestimua (autoestimazioa). Bakoitzak dituen balioak aitortu edo
onartu, besteen balioekin konparatzen ibili beharrik gabe-Denbora: ordubete -Baliabideak: Izei baten marrazkia, errotuladoreak, kartulinak -Garapena: Zenbat ikasle diren, horrenbeste izei prestatuko dira, eta izeiaren puntan karteltxo bat jarriko da ikasle bakoitzaren izenarekin. Gero, kolore ezberdinetako launa txarteltxo banatuko zaizkie, baita koloretako errotuladoreak ere. Tutoreak taldeak egingo ditu, bost haurrez osatuak. Haur bakoitzak adjektibo positibo bana idatziko du txarteltxo bakoitzean -marrazki polit bat ere egin dezake-, gainerako 4 taldekideei buruz; horrela, bukaeran, haur bakoitzak 4 opari zintzilikatu ahal izango ditu bere izeian. Zailtasunak badituzte eta ez badakite zer jarri, adjektibo positiboen zerrenda bat osa daiteke guztien artean, eta arbelean jarri, argitze aldera. Inportantea da adieraztea zintzo jokatu behar dutela, eta haur bakoitzari ondoen egokitzen zaizkion adjektiboak aukeratu behar dituztela. Haur-kopurua 5en multiploa ez bada, tutoreak ere har dezake parte, “bere oparia” eginez. Era berean, talde bakoitzari eska diezaioke adjektibo bana idatz diezaiola, berak ere oparia etxera eramateko. |
5. DENBORALIZAZIOA
Saioak
astean behin burutuko dira ordubetez. Ostiraleko azken orduan
egitea proposatuko da, era honetara ikasleekin aste osoan eginikoa
baloratzea errazagoa egingo baita. 5 egunetan eginiko ekintzei
buruz hitz egin eta asteburua edukiko dute lasai egoteko. Beste
edozein egunetan egin ezkero asteburua tartekatuko litzateke, eta
eginiko gauzen memoria egitea zailagoa gertatuko litzateke.
|
6. TUTORETZA EKINTZAREN EBALUAZIOA
Ebaluaketa
egiterako orduan, ekintzak eta pertsonek dituzten jarrerak ebaluatuko
dira.
Ekintzen
ebaluaketak egiterako orduan, hauek nola joan diren begiratuko da.
Ikasleengan zer nolako eragina izan duten haurrengan, nola joan
den...
Bestalde
ikasleek ekintzekiko eduki dituzten erantzunak baloratuko dira eta
hauekiko agertzen dituzten sentimenduak ere. Hauen bitartez tutoreak
ikasle bakoitzaren ebaluaketa pertsonala egiteko informazioa bilduko
du.
Ikasleek
ekintzekiko dituzten ezagutzei ez zaie balore handirik emango, ez
delako gure helburuetan sartzen. Gure helburuak ikasleek kanporatzen
dutenean zentratzen dira.
Bestalde,
gainontzeko irakasleek duten jarrera pasiboa, aktiboa...baloratuko
da. Garrantzitsua baita beraien aplikazioa. Eta familien jarrerak ere
ebaluatiko dira, beren seme alabengan duten jarrera bertan
erreflejatua ikus baitaiteke.
Azkenik,
ikasleen jarrera izango da garrantzitsuena. Interesa duten, besteei
zirikatzen dieten...
Ebaluazioa
saio guztietan zehar egingo da. Irakasleak saioetan gertatzen dena
gogoan izan beharko du eta saioa amaitzean ebaluazio orokorra egin.
Ebaluaketa
saioetako jarreraren arabera egingo da. Jarrera positiboa eta aktiboa
edukitzea baloratuko da gehien.
7. BIBLIOGRAFIA
http://www.hezkuntza.ejgv.euskadi.net
webgunetik 2013/12/20en berreskuratua
Eusko Jaurlaritza-Hezkuntza, Unibertsitate eta Ikerketa
saila(2009), Oinarrizko Hezkuntza
Joseba (2013), Udarregi Ikastola
No hay comentarios:
Publicar un comentario